BÖLMƏLƏR

Avropa Xalq Partiyasının nümayəndələri Şurada müzakirələr aparıblar

Bu gün Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasında Avropa Xalq Partiyasının baş katibi Antonio Lopez İsturizin başçılıq etdiyi Mərkəzçi Demokratlar İnternasionalın faktaraşdırma missiyasının üzvləri ilə görüş keçirilib. Şura sədri, millət vəkili Azay Quliyev qonaqlara rəhbərlik etdiyi qurumun fəaliyyəti haqqında məlumat verərək ölkəmizdə QHT sektorunun inkişafı istiqamətində ardıcıl həyata keçirilən dövlət siyasəti haqqında danışıb. Azay Quliyev Şuranın fəaliyyəti dövrü ərzində insan hüquqları, təhsil, mədəniyyət və digər sahələr üzrə yüzlərlə yerli QHT-nin layihələrini maliyyələşdirdiyini bildirib.

Azay Quliyevin həmçinin Şuranın xarici QHT-lər üçün qrant proqramı haqqında da qonaqlara dolğun məlumat verərək müxtəlif  mövzular üzrə bir çox nüfuzlu Avropa təşkilatları ilə əməkdaşlıq etdiklərini vurğulayıb. A. Quliyev Şura ilə Avropa Xalq Partiyası arasında da vətəndaş cəmiyyətinin inkişafı istiqamətində uğurlu əməkdaşlıq münasibətləri qura biləcəklərini bildirib.

Mərkəzçi Demokratlar İnternasionalın faktaraşdırma missiyasının üzvləri Şuranın fəaliyyətini müsbət qiymətləndirdiklərini və ikitərəfli əməkdaşlığın qarşılıqlı fayda verəcəyinə əminliklərini ifadə ediblər. 

XƏBƏRİ PAYLAŞ