|
İsveç Beynəlxalq Əməkdaşlıq Agentliyinin nümayəndələri Şurada oldular |
|
|
10 Fevral 2010 |
Bu gün Şura sədri Azay Quliyev İsveç Beynəlxalq Əməkdaşlıq Agentliyinin nümayəndələri - ölkə üzrə menecer Klass Rassmussen, ölkə üzrə məsləhətçi Cesssika Pellrud və İsveçin Bakı şəhərində yerləşən konsulluğunun vitse-konsulu Bəhram Atabəyli ilə görüşdü.
Azay Quliyev Şuranın yaranması, fəaliyyəti, son iki ildə keçirilmiş QHT-lərə maliyyə yardımı müsabiqələri və onların nəticələrə barədə qonaqlara məlumatlandırdı.
Qonaqlar İsveç Beynəlxalq Əməkdaşlıq Agentliyinin Azərbaycanda həyata keçirdiyi layihələr barədə məlumat verdilər. Onların Ermənistan-Azərbaycan Dağlıq Qarabağ münaqişəsinin həllinə kömək məqsədilə Cənubi Qafqazda regional layihələrin maliyyələşdirilməsi haqda təkliflərinə cavab olaraq, Şura sədri bildirdi ki, belə layihələr sadəcə dialoq xətrinə deyil, həqiqətən Azərbaycan torpaqlarının işğaldan azad olunmasına xidmət etdikdə dəstəklənə bilər.
Görüşdə gələcək əməkdaşlıqla bağlı təkliflər səsləndi.
Mətbuat xidməti
|
